WhatsApp訂購(852)95057688 56143678 電話訂購直線(852)-21171188 37219898  
 
用戶:
密碼:
驗證碼:
     
 
 
 
首  頁 >> 花藝培訓
 
求婚鮮花保存 [做盒子乾花]
來源:生活易 已被流覽349次

 

本身就唔太鐘意收花, 因為我覺得買一紮花好唔抵, 而且又唔可以保存... 
所以我都係鐘意男朋友自己摺嘅紙玫瑰多啲... (但如非特別節日, 我應該唔會收到)

 

到左求婚果日, 因為去緊旅行, 要準備花簡直難上加難...

結果求婚果日我連紙玫瑰都冇一朵.... 但係的都 Yes I Do 左...

不過我都真心想要紮花... 浪漫一點.... 

到旅行返左香港後, 佢準備返一紮 [食得] 嘅玫瑰花俾我... (食完落肚唔記得左, 要睇返相先記得)

 

佢知我實賴貓嘅... 所以最後都送返紮真花俾我... 

 

問題黎喇... 真花點保存... 求婚花咁重要, 我唔想幾日就枯死... 又唔想倒吊做乾花..

香港好潮濕, 倒吊做乾花顏色唔夠靚... (  我要求高左 d)

有位手作好叻嘅朋友教我買乾燥沙將啲花用黎做乾花, 仲話會好靚...  (果陣我聽完就算, 都唔知咩黎嘅)

點知同完朋友仔食飯當晚, 我返到屋企見到紮花開始有點凋謝, 好唔開心, 唔想同紮花講拜拜呀...

我的起心肝上網搵乾燥沙資料... 原來香港得好少地方賣... 

都見有啲 WOW 友介紹過乾燥沙... 我問左 WOW 友拎賣沙店資料, 咁岩間店又冇現貨賣....

終於.. 唔死心, 上 Facebook, ebay, yahoo 拍賣, instagram 問問問, 俾我問到有店主有現貨... 

即日交收完乾燥沙就開始處理我啲寶貝喇....

呢個乾花, 仲處於半完成階段.... 但我忍唔住要 share 喇....

>>> 找左好耐嘅燥沙

 

店主好好人... 教我點整... 我提我有咩要特別留意...以下就係我嘅製成品....

而且啲燥沙可以重用... 所以我又可以留返黎 Big Day後用... 將的紮寶貝花球又做乾花...

 

需準備材料: 乾燥沙, 密實盒

製作方法:

1) 將紮花解體, 分成一枝枝, 剪剩朵花頭

2) 將乾燥沙倒在密實盒裡而.

3) 將要已剪好嘅花頭埋喺沙堆裡, 蓋上密實盒蓋

4) 等待4-5日

5) 細力地拎出沙堆裡嘅花頭 (溫柔一點, 因為花已被抽乾水分, 好脆, 好易爛)

6) 將花收藏喺密封嘅盒子 (請按我到下一篇睇放入盒的步驟)

>>> 我未搵到個靚樽處理啲花... 所以又用密實盒收埋啲花, 費事啲花遇上潮濕又變形....

 

分享住咁多先... 到我搵到合適嘅盒或樽, 我再補返 share 我嘅終極完成品

 
 
版權所有@2008-2016 花花世界